6堂速成班獻技 容祖兒澳門騷彈琴蝦碌

容祖兒在澳門舉行的一連八場《Eternity演唱會》前晚開鑼，在近兩小時的表演中，一共換了七套歌衫，加上嶄新的舞台效果，令人目不暇給；祖兒表示很開心相隔三年再在澳門開騷，其後她自彈自唱國語歌《小小》，期間曾停頓數秒，她即露出尷尬表情，最後在歌迷的歡呼聲下順利完成。祖兒表示︰「無理由永遠都係彈《啜泣》，為咗呢次開騷，專登去學另一首歌《小小》，今晚（前晚）第一場有少少緊張，多謝大家鼓勵支持。」

完騷後受訪時，祖兒坦言因心情緊張而出現蝦碌，「仲有好多進步空間，之前《啜泣》我彈咗成年，今次只係學咗六堂就要去巡迴，所以有啲驚，相信之後會愈來愈好。」另外，祖兒報喜指近日再次榮升姑媽，胞弟再添一名寶寶，「依家屋企好熱鬧，我淨係鍾意同BB玩，湊B唔使預我。」